កន្លងមក Galaxy S6 បានប្រកាសថា ជាស្មាតហ្វូនដែលមានរាងស្អាតជាងគេរបស់ Samsung។ ចំណែកឯ iPhone 6 វិញ បើយើងមើលយូរៗទៅ គឺស្រដៀងទៅនឹង iPhone 3G ខុសតែពណ៌ និងកម្រាស់ប៉ុណ្ណោះ។ ដោយឡែកចំពោះ P8 ត្រូវបានរចនាឡើងជាមួយរូបរាងបែបស៊ីវិល័យស្របតាមនិន្នាការច្នៃម៉ូតស្មាតហ្វូនសម័យថ្មី ដែលមានរាងស្ដើង ស្រោបដោយអាលុយមីញ៉ូមគុណភាពខ្ពស់ មើលទៅភ្លឺរលោង មិនចាញ់ស្មាតហ្វូនពីរម៉ាកផ្សេងទៀតឡើយ។
ផ្ទៃអេក្រង់
ទូរស័ព្ទទាំង ៣ ម៉ាកនេះបានជ្រើសយក Processor របស់ខ្លួនរៀងៗខ្លួន ជាជាងប្រើប្រាស់ក្រុមហ៊ុនផ្សេងដែលផ្ដល់សេវាផ្នែក SoC ដូចជាក្រុមហ៊ុន Qualcomm។ តួយ៉ាង P8 ជ្រើសយក Processor Kirin 930 SoC របស់ខ្លួន ដូចគ្នាទៅនឹង Samsung ដែលប្រើប្រាស់ Exynos 7 រីឯ iPhone 6 វិញគឺគ្មានអ្វីក្រៅពី A8 នោះទេ។
ប្រព័ន្ធដំណើរការ (OS)
កាមេរ៉ាក្រោយរបស់ P8 មានទំហំ ១៣មេហ្គាភិចសែល បំពាក់មកជាមួយ LED flash ព្រមទាំងប្រព័ន្ធរក្សាលំនឹង (Optical Image Stabilization) ខណៈកំពុងថត។ ក្រុមហ៊ុន Huawei បានអះអាងថា P8 គឺស្មាតហ្វូនដំបូងគេបំផុតក្នុងពិភពលោកដែលកាមេរ៉ាប្រើប្រាស់លំនាំ RGBW (Red, Green, Blue, White) ដូចគ្នាទៅហ្នឹងកាមេរ៉ាប្រូហ្វេសិនណល។ កំពូលស្មាតហ្វូន P8 ក៏បំពាក់ផងដែរនូវកាមេរ៉ាមុខ ទំហំ 8 មេហ្គាភិចសែល ដែលមានអំណោយទានបំផុតចំពោះការថតរូប Selfie។ អ្វីដែលគួរឱ្យកក់សម្គាល់បំផុតរបស់ P8 គឺកាមេរ៉ាថតបានច្បាស់ក្នុងទីងងឹត (Low light Performance) និងមុខងារពិសេស អាចថតជាប់ចលនាពន្លឺបាន (Light Painting)។ P8 មានកម្មវិធី Director Mode ដែលអាចភ្ជាប់ជាមួយកាមេរ៉ាទូរស័ព្ទប្រើប្រាស់ប្រព័ន្ធប្រតិបត្តិការ Android ដើម្បីថតវីដេអូពីជ្រុង 4 ផ្សេងគ្នាបាន។
Galaxy S6 មានពណ៌ខ្មៅ និងពណ៌ស ក្នុងតម្លែប្រហែល ៦១០ដុល្លារ រីឯ iPhone 6 ពណ៌ប្រផេះ និងពណ៌មាស មានតម្លៃ ៦៦០ដុល្លារ។ ដោយឡែក P8 មានពណ៌ខ្មៅ និងពណ៌មាសស ហើយមានតម្លៃ ៤៧៩ដុល្លារ។
បន្ទាប់ពីបានដឹងពីសមត្ថភាព តម្លៃ និងការផ្ដល់ជូនលក្ខណៈពិសេសរបស់ស្មាតហ្វូនទាំងបីនេះ តើលោកអ្នកសម្រេចចិត្តរើសយកស្មាតហ្វូនមួយណា?