SbyYS: June 2015

Tuesday, June 23, 2015

Huawei P8, Galaxy S6 និង iPhone 6 មួយណាល្អជាងគេ?

ស្របពេលដែល Samsung S6 និង iPhone 6 បានឈរជើងរាងនឹងបន្តិចនៅលើទីផ្សារស្មាតហ្វូនពិភពលោក ស្រាប់តែលេញចេញនូវគូប្រជែងដ៏លេចធ្លោមួយយ៉ាងក្រឡែត មកបង្ហាញរាងដ៏ប្រណីត និងបច្ចេកវិទ្យាកាមេរ៉ាបម្លែងពន្លឺយ៉ាងទាក់ទាញ។ គូប្រជែងវ័យក្មេង ដែលមានតម្លៃធូរថ្លៃ និងសមត្ថភាពខ្ពស់មិនអាចមើលរំលងបានមួយនេះ ត្រូវបានក្រុមហ៊ុន Huawei ឱ្យឈ្មោះថា កំពូលស្មាតហ្វូន P8។ តើកំពូលស្មាតហ្វូនរបស់ P8 មានសមត្ថភាពខ្ពស់កម្រិតណា ប្រៀបធៀបទៅនឹងស្មាតហ្វូនពីរផ្សេងទៀត?

Black-fire-angel

ការរចនា៖
កន្លងមក Galaxy S6 បានប្រកាសថា ជាស្មាតហ្វូនដែលមានរាងស្អាតជាងគេរបស់ Samsung។ ចំណែកឯ iPhone 6 វិញ បើយើងមើលយូរៗទៅ គឺស្រដៀងទៅនឹង iPhone 3G ខុសតែពណ៌ និងកម្រាស់ប៉ុណ្ណោះ។ ដោយឡែកចំពោះ P8 ត្រូវបានរចនាឡើងជាមួយរូបរាងបែបស៊ីវិល័យស្របតាមនិន្នាការច្នៃម៉ូតស្មាតហ្វូនសម័យថ្មី ដែលមានរាងស្ដើង ស្រោបដោយអាលុយមីញ៉ូមគុណភាពខ្ពស់ មើលទៅភ្លឺរលោង មិនចាញ់ស្មាតហ្វូនពីរម៉ាកផ្សេងទៀតឡើយ។

P8 មានទំហំ ១៤៤,៩x ៧២,១ម.ម រីឯ Galaxy S6 មានទំហំ ១៤៣x ៧០,៥ម.ម ស្របពេលដែល iPhone 6 មានរាងតូចជាងគេបន្តិច និងអេក្រង់រាងចង្អៀតបន្តិច ហើយចំពោះទម្ងន់វិញ P8 រាងធ្ងន់ជាងគេ តែទម្ងន់នេះមិនស្រាលពេក ហើយក៏មិនធ្ងន់ពេក ល្មមងាយស្រួលក្នុងការចាប់កាន់ មិនងាយរបូត។ Galaxy S6 មិនអាចបន្ថែមអង្គចងចាំខាងក្រៅបានទេ ហើយក៏មិនអាចដោះថ្មចេញបានដែរ។ ប៉ុន្តែ P8 វិញមានកន្លែងបន្ថែម microSD កាត ដើម្បីពង្រីកអង្គចងចាំ ងាយស្រួលផ្ទុកឯកសារ ចម្រៀង និងវីដេអូបានច្រើន។
ផ្ទៃអេក្រង់

អេក្រង់របស់ P8 មានទំហំ ៥,២អ៊ីញ Full HD ជាមួយ រេសូលូសិន 1920 x 1080 ភិចសែល។ អេក្រង់របស់ P8 គឺធំជាងគូប្រជែងរបស់ខ្លួនបន្តិច តែ iPhone 6 មានទំហំ ៤,៧អ៊ីញ ដែលជាទំហំពេញនិយមសម្រាប់អ្នកចូលចិត្តអេក្រង់តូចល្មម រីឯអ្នកចូលចិត្តអេក្រង់ធំល្មម P8 គឺជាជម្រើសដ៏ល្អប្រសើរ។ យ៉ាងណាមិញ អេក្រង់របស់ Galaxy S6 មានទំហំ ៥,១អ៊ីញ ដែលមាន Super AMOLED display ជាមួយ រេសូលូសិន 2K។

ចំណែកផ្ទៃនៃអេក្រង់ដែលអាចប្រើបានវិញ ផ្ទៃរបស់ P8 អាចប្រើបានដល់ទៅ ៧៨,៣% រីឯ Galaxy S6 ប្រើបាន ៧០,៨% ហើយ iPhone 6 បានត្រឹមតែ ៦៥,៨% ប៉ុណ្ណោះ។

Processor៖
ទូរស័ព្ទទាំង ៣ ម៉ាកនេះបានជ្រើសយក Processor របស់ខ្លួនរៀងៗខ្លួន ជាជាងប្រើប្រាស់ក្រុមហ៊ុនផ្សេងដែលផ្ដល់សេវាផ្នែក SoC ដូចជាក្រុមហ៊ុន Qualcomm។ តួយ៉ាង P8 ជ្រើសយក Processor Kirin 930 SoC របស់ខ្លួន ដូចគ្នាទៅនឹង Samsung ដែលប្រើប្រាស់ Exynos 7 រីឯ iPhone 6 វិញគឺគ្មានអ្វីក្រៅពី A8 នោះទេ។

Processor របស់ P8 មានទហំ 64-Bit octa-core Cortex-A53 Hisilicon Kirin 935 SoC, 2GHz ជាមួយនឹង RAM ទំហំ 3GB ស្របពេលដែល Samsung មានទំហំ 64-Bit Exyno 7420 octa-core និង RAM ទំហំ 3GB ដូចគ្នា។ ចំណែក iPhone 6 ក៏ប្រើប្រាស់ Processor របស់ខ្លួន ទំហំ 64-Bit 1.39 GHz dual-core A8 ដែលមាន RAM ទំហំត្រឹមតែ 1GB ប៉ុណ្ណោះ។
ប្រព័ន្ធដំណើរការ (OS)

ទាំង P8 និង Galaxy S6 ប្រើប្រាស់ប្រព័ន្ធដំណើរការ Android 5.0 Lollipop។ ប៉ុន្តែស្មាតហ្វូនទាំងពីរម៉ូដែលនេះ មាន User Interface រៀងៗខ្លួនខុសគ្នា។ P8 ប្រើ Emotion 3.1 UI ឯ Galaxy S6 ប្រើ TouchWiz UI។ ផ្ទុយទៅវិញ iPhone 6 ប្រើប្រាស់ប្រព័ន្ធប្រតិបត្តិការ iOS 8។

កាមេរ៉ា៖
កាមេរ៉ាក្រោយរបស់ P8 មានទំហំ ១៣មេហ្គាភិចសែល បំពាក់មកជាមួយ LED flash ព្រមទាំងប្រព័ន្ធរក្សាលំនឹង (Optical Image Stabilization) ខណៈកំពុងថត។ ក្រុមហ៊ុន Huawei បានអះអាងថា P8 គឺស្មាតហ្វូនដំបូងគេបំផុតក្នុងពិភពលោកដែលកាមេរ៉ាប្រើប្រាស់លំនាំ RGBW (Red, Green, Blue, White) ដូចគ្នាទៅហ្នឹងកាមេរ៉ាប្រូហ្វេសិនណល។ កំពូលស្មាតហ្វូន P8 ក៏បំពាក់ផងដែរនូវកាមេរ៉ាមុខ ទំហំ 8 មេហ្គាភិចសែល ដែលមានអំណោយទានបំផុតចំពោះការថតរូប Selfie។ អ្វីដែលគួរឱ្យកក់សម្គាល់បំផុតរបស់ P8 គឺកាមេរ៉ាថតបានច្បាស់ក្នុងទីងងឹត (Low light Performance) និងមុខងារពិសេស អាចថតជាប់ចលនាពន្លឺបាន (Light Painting)។ P8 មានកម្មវិធី Director Mode ដែលអាចភ្ជាប់ជាមួយកាមេរ៉ាទូរស័ព្ទប្រើប្រាស់ប្រព័ន្ធប្រតិបត្តិការ Android ដើម្បីថតវីដេអូពីជ្រុង 4 ផ្សេងគ្នាបាន។

ចំណែក Galaxy S6 បាននាំមកជាមួយកាមេរ៉ាក្រោយ ១៦មេហ្គាភិចសែល និងកាមេរ៉ាមុខ ៥ មេហ្គាភិចសែល។ សម្រាប់កាមេរ៉ាក្រោយរបស់ iPhone 6 មានទំហំ ៨មេហ្គាភិចសែល ដែលបំពាក់ដោយ iSight / Facetime HD ដោយអាចដំឡើង (Upgrade) Internal Optics បានដូច្នេះហើយទើបធ្វើឱ្យថតរូបបានស្អាត។

តម្លៃ និងការមានលក់នៅលើទីផ្សារ៖
Galaxy S6 មានពណ៌ខ្មៅ និងពណ៌ស ក្នុងតម្លែប្រហែល ៦១០ដុល្លារ រីឯ iPhone 6 ពណ៌ប្រផេះ និងពណ៌មាស មានតម្លៃ ៦៦០ដុល្លារ។ ដោយឡែក P8 មានពណ៌ខ្មៅ និងពណ៌មាសស ហើយមានតម្លៃ ៤៧៩ដុល្លារ។

មួយណាល្អជាងគេ?
បន្ទាប់ពីបានដឹងពីសមត្ថភាព តម្លៃ និងការផ្ដល់ជូនលក្ខណៈពិសេសរបស់ស្មាតហ្វូនទាំងបីនេះ តើលោកអ្នកសម្រេចចិត្តរើសយកស្មាតហ្វូនមួយណា?

from : http://news.sabay.com.kh/

តារាល្បីៗក្នុងទីផ្សារប្រទេសដែលមានអត្រាប្រើស្មាតហ្វូនខ្ពស់ ផ្អើលប្រើ Huawei គ្រប់គ្នា!

កំពូលប្រុសស្អាតប្រចាំប្រទេសថៃអេឡិច ធីរ៉ាក់ដេត (Alex Theeradeth) និងតារាម៉ូដែលរាងស្រឡូនខ្ពស់ស្រឡះ សាច់សខ្ចីវ៉ុត ម៉ុនស៊ីវយី (Wutt Hmone Shwe Yi) ព្រមទាំងកំពូលតារាចម្រៀងប្រចំាព្រះរាជាណាចក្រកម្ពុជា មាសសុខសោភា មកពីប្រទេសខុសគ្នាក៏ពិតមែន ប៉ុន្តែអ្នកទាំងបីមានចំណង់ចំណូលចិត្តម្យ៉ាងដូចគ្នាបេះបិត ហើយចំណង់ចំណូលចិត្តដូចគ្នាមួយនេះ គឺទាក់ទងនឹងការប្រើប្រាស់កំពូលស្មាតហ្វូនHuawei P8 របស់ក្រុមហ៊ុន Huawei តែម្ដង។
Pic-03

ក្រៅពីកំពូលតារាល្បីប្រចាំប្រទេសទាំងបីនេះ ជនល្បីៗជាច្រើនក្នុងប្រទេសកម្ពុជា ក៏បានប្ដូរចិត្តមកប្រើស្មាតហ្វូនម៉ាក Huawei ដែរ។ តួយ៉ាងពិធីការនីដ៏ល្បីទាំងសម្រស់ និងវោហារ កញ្ញា យុគ ចិន្តា និងកញ្ញា ខៀវ សាន់សាណា ព្រមទាំងចាងហ្វាងផលិតកម្មថោន លោក មាស សុខរតនៈ បានជ្រើសរើសប្រើប្រាស់ Huawei P8 ដែលជាទូរសព្ទស៊េរីថ្មីទំនើបបំផុតរបស់ក្រុមហ៊ុន Huawei។ ចំណែក ពិធីករពូកែឌឺដងប្រចាំស្ថានីយទូរទស្សន៍ CTN លោកអ៊ឹង រដ្ឋា ហៅទុយ និងអ្នកថតរូបអាជីពល្បីឈ្មោះម្នាក់នៅកម្ពុជាលោក សៀន សិទ្ធិគុណ ព្រមទាំងតារាហ្វេសប៊ុកពូកែខាងបាញ់មិនសំចៃមាត់ ប៉ីប៉ីឌី កំពុងប្រើប្រាស់ Huawei Honor 6 Plus កាមេរ៉ាភ្លោះល្បីថាថតរូបច្បាស់ ហើយឡូយ របស់ក្រុមហ៊ុនទូរស័ព្ទ Huawei ផងដែរ។

លើសពីនេះទៅទៀត ជយលាភីកំពូលតារាបង្ហាញម៉ូដកម្ពុជា កញ្ញា ចាន់ គង្កា និងជយលាភីលេខ២ និងលេខ ៣កម្មវិធី The Voice Cambodia លោក ឃុនវុត្ថា និង កញ្ញា ចំរើន សុភ័ក្រ្ត សុទ្ធសឹងតែប្រើ Huawei G7ដែលមានកាមេរ៉ាច្បាស់ ថ្មកាន់បានយូរ និងរូបរាងកាលីប អេក្រង់ធំដល់ទៅ ៥,៥អ៊ីញ។

កញ្ញាមាសសុខសោភាបានឱ្យដឹងថា៖ “នេះមិនមែនជារឿងចៃដន្យទេ ដែលខ្ញុំជ្រើសរើសយកHuaweiP8។ ខ្ញុំមានការភ្ញាក់ផ្អើលជាខ្លាំងជាមួយ នឹងរូបរាងដ៏ប្រណីត ស្ដើង រលោង ធ្វើពីអាលុយមីញ៉ូមនិងល្បឿនលឿនទាំងពេលប្រើធម្មតា និងពេលប្រើអ៊ីនធឺណិត។ កាមេរ៉ារបស់ P8មានទំហំ ១៣មេហ្គាភិចសែល ថតបានច្បាស់ក្នុងទីងងឹតដូចកាមេរ៉ាប្រូហ្វេសិនណល។ ហើយខ្ញុំអាចបញ្ចូលរូបថតរបស់ខ្ញុំបានយ៉ាងលឿនទៅក្នុង Facebook ដោយប្រើ Huawei P8។

កញ្ញា ខៀវ សាន់សាណា ដែលជាពិធីការនីវ័យក្មេង ស្រស់ស្អាត ឆ្លាត ពូកែវោហារ បានបញ្ជាក់ថាក្រោយពីបានប្ដូរមកប្រើស្មាតហ្វូន Huawei កញ្ញាពេញចិត្តស្ដូកតែម្ដងហើយមិនចង់ប្ដូរប្រើទូរសព្ទម៉ាកផ្សេងឡើយ។ កញ្ញាសាណាបាននិយាយថា “នាងខ្ញុំពេញចិត្តនឹងស្មាតហ្វូន Huawei ជាពិសេសគឺ Huawei P8 តែម្ដង ព្រោះមានកាមេរ៉ាថតជាប់ចលនាពន្លឺដ៏អស្ចារ្យ”។ បច្ចុប្បន្ននេះកញ្ញា សាណា ប្រើទូរស័ព្ទស្មាតហ្វូនHuawei ដល់ទៅ ២ គ្រឿង ហើយមួយគ្រឿងទៀតគឺ Huawei Honor 6 Plus ដែលបំពាក់ដោយកាមេរ៉ាឡេនភ្លោះ អាចថតរូបច្បាស់ដូចកាមេរ៉ាអាជីព ជាពិសេសថតច្បាស់នៅពេលយប់។

គួរបញ្ជាក់ថា P8មិនត្រឹមតែមានរូបរាងស្រស់ស្អាត និងប្រព័ន្ធប្រតិបត្តិការលឿនប៉ុណ្ណោះទេ P8ក៏បំពាក់ដោយបច្ចេកវិទ្យាខ្ពស់ផ្នែកប្រព័ន្ធបណ្ដាញ ដែលមានសេវាខ្លាំង សន្ទនាគ្នាបានច្បាស់ ទោះជានៅទីណា និងស្ថិតក្នុងយានជំនិះល្បឿនលឿនយ៉ាងណាក៏ដោយ។ លើសពីនេះទៀតការភ្ជាប់បណ្តាញ roamingតាមHuawei P8 គឺមានភាពឆាប់រហ័សងាយស្រួលនិងលឿនទាន់ចិត្ត។ មុខងារRoaming+ ធ្វើឱ្យទូរសព្ទរបស់លោកអ្នកលឿនជាងទូរសព្ទដទៃទៀតដល់ទៅ ៣ ដង នៅពេលដែលលោកអ្នកភ្ជាប់បណ្តាញសេវា Roaming ។

គួររម្លឹកថាស្មាតហ្វូនម៉ាក Huawei កាន់តែមានប្រជាប្រិយភាពខ្លាំងឡើងៗ និងមានចំនួនអ្នកប្រើកាន់តែច្រើនឡើងៗផងដែរ។ ចាំមើលទៅមើលថា ក្រៅពីអេឡិចធីរ៉ាក់ដេត (Alex Theeradeth) វ៉ុតម៉ុនស៊ីវយី (Wutt Hmone Shwe Yi) និងមាសសុខសោភា តើតារាល្បីៗរូបណាខ្លះ ដែលនឹងផ្លាស់ប្ដូរមកប្រើស្មាតហ្វូនលំដាប់លេខ ៣ ក្នុងពិភពលោកមួយនេះបន្តទៀត?

from : http://news.sabay.com.kh/

Samsung ជាប់ឈ្មោះជាម៉ាកល្អបំផុតនៅអាស៊ីឆ្នាំ ២០១៥ ផ្ទួនៗ ៤ឆ្នាំជាប់គ្នា

ក្រុមហ៊ុនសាមសុងអេឡិចត្រូនិច ត្រូវបានជាប់ឈ្មោះជាម៉ាកល្អបំផុតនៅអាស៊ីឆ្នាំ ២០១៥ សម្រាប់រង្វាន់ផ្ទួនៗ ៤ឆ្នាំជាប់គ្នាដោយផ្អែកទៅលើលទ្ធផលនៃការស្ទង់មតិរបស់ Campaign Asia-Pacific រួមជាមួយសហប្រតិបត្តិការជាមួយនឹង Nielsen តាមរយៈអនឡាញដែលមានការចូលរួមពីបណ្តាម៉ាកល្បីៗប្រចាំអាស៊ីទាំង១០០០ម៉ាក។សាមសុងត្រូវបានជាប់ក្នុងចំណោមកំពូលម៉ាក់ល្បីទាំង៥ដែលយ៉ាងហោចណាស់ក៏មានផលិតផល១៤ ប្រភេទរបស់សាមសុងត្រូវបានទទួលបានការគាំទ្រពីសំណាក់អ្នកប្រើប្រាស់។ក្នុងនោះដែរបន្ទាប់ពីស្មាតហ្វូនក្នុងនោះទូរសព្ទចល័តទូរទឹកកកហើយនិងទូរទស្សន៍ក៏ត្រូវទទួលស្គាល់ថាជាផលិតផលដែលនាំមុខគេផងដែរ។

ការចាត់ថ្នាក់ គឺផ្អែកលើតម្រូវការប្រើប្រាស់ និងផ្តល់ជូននូវការវាស់វែងដ៏ច្បាស់ លាស់ នៃម៉ាកល្បីៗ នាពេលបច្ចុប្បន្ននេះ ពង្រីកចក្ខុវិស័យទៅលើប្រភេទផលិតផលចំនួន១៤ធំៗ រាប់ទាំងផ្នែកយានយន្ត ហាងតូចៗ ភោនីយដ្ឋាន និងគ្រឿងអេឡិចត្រូនិចក្នុងផ្ទះ ។ លោកស្រី អែរែន ង៉ អនុប្រធានរបស់សាមសុងប្រចាំទ្វីប អាស៊ីអាគ្នេយ៍ និងទ្វីប អូសេអានី បានមានប្រសាសន៍ថា «សាមសុងអេឡិចត្រូនិចមានមោទនភាពយ៉ាងខ្លាំងដែលត្រូវបានជាប់ឈ្មោះជាម៉ាកល្អបំផុតផ្ទួន៤ឆ្នាំជាប់គ្នា។ កាលពី១០ឆ្នាំមុនយើងទទួលបានចំណាត់ថ្នាក់ទី១៥ប៉ុណ្ណោះ។ ប៉ុន្តែនៅ ពេលនេះសាមសុងមានឱកាសឡើងដល់ចំណាត់ថ្នាក់កំពូលប្រចាំអាស៊ី។

លោកស្រីបានបន្តថា «ម៉ាកផលិតផលរបស់យើងគឺជាម៉ាកផលិតផលដែលល្បីរន្ទឺនិងទទួលបានការគាំទ្រពីសំណាក់អ្នកប្រើប្រាស់ពីព្រោះយើងយកចិត្តទុកដាក់ក៏ដូចជាខំប្រឹងបំពេញនូវតម្រូវការរបស់អតិថិជនបានយ៉ាងល្អ។ លោកស្រីបានបន្ថែមថា «យើងបានយល់យ៉ាងច្បាស់ពីតម្រូវការឥតឈប់ឈររបស់អ្នកប្រើប្រាស់ដែលជាកម្លាំងជំរុញឱ្យយើងកាន់តែមានកម្លាំងចិត្តក្នុងការកែប្រែបច្ចេកវិទ្យាថ្មីៗទៅលើផលិតផលរបស់យើងឱ្យត្រូវតាមតម្រូវការទីផ្សារខុសៗគ្នា ប្រចាំទ្វីបអាស៊ីអាគ្នេយ៍ ក៏ដូចជាទ្វីបអូសេអានី»។

«អ្វីដែលធ្វើឱ្យការចាត់ចំណាត់ថ្នាក់ប្រចាំឆ្នាំរបស់ Campaign Asia-Pacific ហើយនិង Neilson គឺជាការវាស់ស្ទង់ចំណាត់ថ្នាក់ដ៏មានសុពលភាព ព្រោះថាយុទ្ធការនោះបានផ្តោតទៅលើមតិរបស់អ្នកប្រើប្រាស់។ យើងមិនបានផ្តោតទៅលើតម្លៃនៃទីផ្សារភាគហ៊ុន ការប្រកួតប្រជែងក៏ដូចជាកម្រិតនៃការលក់នោះទេ។ នេះគឺជាការប្រកួតប្រជែងទៅលើគុណភាពរបស់ម៉ាក់ផលិតផលនីមួយៗ ដោយបានធ្វើការស្រង់មតិរបស់អ្នកប្រើប្រាស់ ថាតើគាត់ពេញចិត្តទៅលើម៉ាក ផលិតផលណាមួយ»។

លោក ជែកសុន វីនឃើណាស អ្នករៀបរៀង កម្មវិធី Campaign Asia-Pacific បានមានប្រសាសន៍ថា យើងចង់ដឹងថាតើម៉ាកផលិតផលណាមួយដែលជាម៉ាក កំពូលប្រចាំអាស៊ី យើងបានធ្វើការសាកសួរមតិយោបល់ទៅអ្នកប្រើប្រាស់ ផ្នែក ខាងអាស៊ី។ លោក ជែកសុន វីនឃើណាស អ្នករៀបរៀងកម្មវិធី Campaign Asia-Pacific បានមានប្រសាសន៍ថា រយៈពេល៤ឆ្នាំកន្លងមកនេះ សាមសុងបានជាប់ឈ្មោះជាម៉ាកផលិតផលដែលល្អជាងគេបំផុតប្រចាំអាស៊ី ដោយយោងតាមការស្ទង់មតិរបស់អ្នកប្រើប្រាស់ប៉ែកខាងអាស៊ី។

ការវិវត្តន៍របស់សាមសុង បានប្រែក្លាយម៉ាកផលិតផលរបស់អាស៊ី ឱ្យក្លាយទៅជា ម៉ាកផលិតផលដែលទទួលបានភាពជឿជាក់ផ្នែកគុណភាព ដោយផ្អែកទៅការរចនា និងការកែប្រែនូវរូបរាងថ្មីនៃផលិតផល និងសេវាកម្មដែលជាគោលដៅក្នុងការផ្តល់ជូនអតិថិជនទទួលបាននូវបទពិសោធន៍ថ្មីៗ និងជាផលិតផលដែលជាតម្រូវការ។ គោលការណ៍ ដែលជាស្នូលរបស់យើងដែលផ្អែកទៅលើកេរ្តិ៍ឈ្មោះដែលយើងទទួលបានជាកំពូលម៉ាកផលិតផលប្រចាំអាស៊ី។ យើងបានប្តេជ្ញាថានឹងនាំមកនូវអ្វីដែលថ្មីឈានមុខគេបំផុតដល់អតិថិជនដែលជាកិច្ចតបស្នងនូវការគាំទ្ររបស់អតិថិជន។

១. គំនិតថ្មីឈានមុខគេ
ជារៀងរាល់ឆ្នាំ ក្រុមហ៊ុន សាមសុង បានធ្វើការបោះទុនទៅការស្រាវជ្រាវ និងពិសោធ (R&D) រកអ្វីដែលថ្មីប្រកបដោយគុណភាព។ ការបណ្ដាក់ទុននេះត្រូវបានចំណាយប្រាក់រហូតដល់ ៤០លានដុល្លារក្នុងមួយថ្ងៃ ជាមួយនឹងបុគ្គលិកចំនួន ៧០០០នាក់នៅជុំវិញពិភពលោក។ ក្រុមហ៊ុនសាមសុង បាននាំយកនូវអ្វីថ្មីសម្រាប់ទីផ្សារ ដែលក្តីសបញ្ចាក់ឱ្យឃើញថាយើងពិតជាខិតខំស្រាវជ្រាវរកអ្វីដែលឥតខ្ចោះជូនតាមតម្រូវការរបស់អតិថិជន។ ឧទាហរណ៍ដូចជា៖ ទូរទស្សន៍ SUHD TVs ដែលការឈានជំហានឆ្ពោះទៅរកអនាគត ដ៏អស្ចារ្យជាមួយនឹងការបញ្ជូនរូបភាពដែលមានគុណភាពច្បាស់ល្អ កម្រិតនៃពណ៌កាន់តែមានភាពទាក់ទាញ ការបែងចែកពណ៌កាន់តែមានប្រសិទ្ធភាពខ្ពស់រួមទាំងកម្រិតនៃ UHD (Ultra High Definition) កាន់តែមានភាពលំអិតជាងមុន។ កំពូលទូរទស្សន៍ JS9500 SUHD TV ត្រូវបានទទួលពានរង្វាន់ច្រើនជាង៨ពាន់ រង្វាន់នៅពិព័រណ៍ពាណិជ្ជកម្មពិភពលោក Consumer Electronics Show (CES) ប្រចាំឆ្នាំ ២០១៥។

ទូរសព្ទស្មាតហ្វូត Galaxy S6 4G+ and Galaxy S6 edge 4G+ គឺទូរសព្ទចល័តដែលរចនាឡើងដោយផ្តោតសំខាន់ទៅលើរូបរាងដែលល្អឥតខ្ចោះបូករួមទាំងសមត្ថភាពនៃការប្រើប្រាស់យ៉ាងអស្ចារ្យ។ Activdualwash គឺម៉ាស៊ីនបោកសំលៀកបំពាក់ដែលបន្ថែមមកជាមួយនូវទម្រ និងប្រព័ន្ធបង្ហូរទឹកដែលផ្តល់ភាពងាយស្រួលដល់អ្នកប្រើប្រាស់សម្រាប់ធ្វើការ បោកជម្រះសំលៀកបំពាក់ដែលប្រឡាក់ខ្លាំងមុនពេលដាក់បោកក្នុងម៉ាស៊ីន។ វាបានជួយដល់អ្នកបោកគក់ដោយមិនធ្វើឱ្យឡើងសាច់ដុំដៃ ជួយសម្រាលការបោកគក់បានរហូតដល់ទៅ ៤៣ ភាគរយ បើប្រៀបទៅនឹងការបោកគក់ដោយដៃ។

២. ការផ្តោតទៅលើតម្រូវការរបស់អតិថិជន
ការកំណត់អត្តសញ្ញាណ និងការបម្រើសេចក្តីត្រូវការរបស់អតិថិជនដោយក្តីពេញចិត្ត។ ក្រុមហ៊ុនសាមសុង សូមធានា និងយកចិត្តទុកដាក់ទៅលើតម្រូវការរបស់អតិថិជនតាមតំបន់ដែលមានវប្បធម៌ផ្សេងៗគ្នាទៅតាមប្រទេសនីមួយៗ ក្រុមហ៊ុនសាមសុង បានធ្វើការស្រាវជ្រាវតាមស្តង់ដារកម្រិតពិភពលោកទៅលើសម្ភារៈបរិក្ខារដែលមានដូចជា 36 R&D Centres, six Design Centres, បន្ទប់ ពិសោធន៍ទៅតាមលក្ខណៈនៃការរស់នៅរបស់អ្នកប្រើប្រាស់ដែលមាន៧ប្រភេទ និងក្រុមបង្កើតនូវផលិតផលថ្មីៗទាំង៧ជុំវិញពិភពលោក។

ចំពោះប៉ែកខាងអាស៊ី សាមសុងបានបង្កើតនូវមជ្ឈមណ្ឌលរបស់ខ្លួននៅតាមប្រទេសមួយចំនួនដែលមានដូចជា សៀងហៃ ជប៉ុន កូរ៉េ ក៏ដូចជាបន្ទប់ពិសោធន៍ទៅលក្ខណៈនៃការរស់នៅរបស់អ្នកប្រើប្រាស់នៅក្រុងដេលី ស៊ីងហ្គាពួរ ទីក្រុងប៉េកាំង ទីក្រុងសេអូល ហើយនិងក្រុមបង្កើតផលិតផលថ្មីៗនៅក្រុងដេលី ស៊ីងហ្គាពួរ ទីក្រុងប៉េកាំង ទីក្រុងសេអូល។ ក្រុមប្រតិបត្តិការទាំងនោះ ត្រូវបានបង្កើតឡើងដើម្បីបង្កើតនូវអ្វីដែលថ្មីជាមួយនឹងបច្ចេកវិទ្យាឈានមុខគេក្នុងការជម្រុញទីផ្សារបានយ៉ាងល្អ។ ពួកគាត់ធ្វើការសិក្សាទៅលើនិន្នាការនិងវប្បធម៌ប្រចាំតំបន់ ហើយនិងធ្វើការផ្លាស់ប្តូរនូវរបៀបរស់នៅ និងការប្រើប្រាស់បច្ចេកវិទ្យារបស់អ្នកប្រើប្រាស់។ ផ្តល់នូវការយល់ដឹងដើម្បីជាការគាំទ្រ ការច្នៃប្រឌិត ផលិតផលដែលបង្កើតថ្មីទៅលើប្រភេទផលិតផលនីមួយៗរបស់សាមសុង។

៣.ការផ្តល់ជូនសង្គមតាមរយៈគំនិតផ្តួចផ្តើមក្នុងនាមជាពលរដ្ឋល្អ
ក្នុងនាមជាពលរដ្ឋសកលមួយ សាមសុងបានប្រើប្រាស់នូវបច្ចេកវិទ្យារបស់ខ្លួនក្នុងការផលិតអ្វីដែលល្អនិងព្យាយាមបង្កើតនូវអនាគតដ៏ត្រចះត្រចង់សម្រាប់អ្នកទាំងអស់គ្នា ក៏ដូចជានាំមកនូវការផ្លាស់ប្តូរដ៏វិជ្ជមានដល់សង្គមតាមរយៈការផ្តួចផ្តើម ភាពជាពលរដ្ឋ។ការផ្តួចផ្តើមនេះបានផ្តោតទៅលើការអប់រំ ការងារនិង សុខភាព។ តាមតំបន់នីមួយៗ សាមសុងបានផ្តោតទៅលើកម្មវិធីអប់រំ ដែលផ្គត់ផ្គង់ទៅលើការអប់រំយុវជន ហើយនិងវគ្គបណ្ដុះបណ្ដាលការងារផ្នែកបច្ចេកវិទ្យា ផ្នែកសេវាកម្ម និងក្លាយជាអ្នកជំនាញការរបស់សាមសុង។ បច្ចេកវិទ្យារបស់សាមសុងមាននៅប្រទេស ម៉ាឡេស៊ី ហ្វីលីពីន ស៊ីងហ្គាពួរ ប្រទេសថៃ វៀតណាម នូវែលហ្សេឡង់ និងតៃវ៉ាន់។

វិទ្យាស្ថានបច្ចេកវិទ្យារបស់សាមសុង គឺជាវិទ្យាស្ថានផ្នែកវិជ្ជាជីវៈដែលផ្តល់នូវជំនាញដែលជាក់លាក់មួយក្នុងវគ្គបណ្តុះបណ្តាលនៅ ប្រទេសកម្ពុជា ឥណ្ឌូនេស៊ី ប្រទេសឡាវ ម៉ាឡេស៊ី ប្រទេសភូមា ហ្វីលីពីន ស៊ីងហ្គាពួរ និងតៃវ៉ាន់។ សាមសុងមាន សាលា សូណូជាច្រើននៅតាមបណ្តាប្រទេសដូចជា ឥណ្ឌូនេស៊ី ម៉ាឡេស៊ី ហ្វីលីពីន ប្រទេសថៃ និងវៀតណាម។ វគ្គបណ្តុះបណ្តាលទាំងនោះជួយសម្រួលដល់ ផ្នែកវេជ្ជសាស្រ្តដែលផ្តោតលើការធ្វើរោគវិនិច្ឆ័យទៅលើ អុលត្រាសោន ផ្នែកសម្ភពនិងរោគស្ត្រីដើម្បីកាត់បន្ថយអត្រាស្លាប់របស់ទារកនៅតំបន់អាស៊ីអាគ្នេយ៍ ហើយនិងពង្រឹងគុណភាពនៃការថែទាំសុខភាពនៅតាមមូលដ្ឋានសហគមន៍ជាច្រើន។

Citizenship Initiative - SONO School in Thailand

វិធីសាស្ត្រស្ទង់មតិ
ក្រុមហ៊ុនល្បីៗនៅអាស៊ីចំនួន១០០០ក្រុមហ៊ុនប្រមូលព័ត៌មានពីការស្ទង់មតិ ដែលធ្វើឡើង ដោយយុទ្ធសាស្ត្រអាស៊ីប៉ាស៊ីភិច ព័ត៌មានសកល និងអ្នកផ្តល់ចក្ខុវិស័យ Nielsen ។ ការសិក្សា បានរកឃើញពីឥរិយាបថនៅ១៣ប្រទេស៖ អូស្ត្រាលី ចិន ហុងកុង ឥណ្ឌា ឥណ្ឌូនេស៊ី ជប៉ុន ម៉ាឡេស៊ី ហ្វីលីពីន សិង្ហបុរី កូរ៉េខាងត្បូង តៃវ៉ាន់ ថៃ និងវៀតណាម។ ការស្រាវជ្រាវបានធ្វើទៅ លើមនុស្សចំនួន៤០០នាក់ នៅតាមផ្សារនីមួយៗ លើកលែងតែឥណ្ឌា និងចិន ដែលធ្វើទៅលើ អ្នក៨០០ និង១២០០។ ដើម្បីក្លាយជាអ្នកតំណាងនៃចំនួនអ្នកផ្សារ កូតារបស់ស្ទង់មតិ ផ្អែកទៅ លើអាយុ ភេទ និងចំណូលប្រចាំខែ។

ការសិក្សា រាប់ទាំងប្រភេទផលិតផល និងសេវាធំៗ (ដូចជាស្រា សេវា ហិរញ្ញវត្ថុ ហាងតូចៗ ភោជនីយដ្ឋាន អាហារ ភេសជ្ជៈ គ្រឿងអេឡិចត្រូនិច គ្រឿងបន្លាស់កុំព្យូទ័រ កម្មវិធីកុំព្យូទ័រ សេវាកម្ម ប្រព័ន្ធផ្សព្វផ្សាយ និងសារទូរគមនាគមន៍ ដំណើរកម្សាន្ត ការសម្រាកលំហែ គ្រឿងប្រើប្រាស់ប្រចាំថ្ងៃ និងការថែទាំផ្ទាល់ខ្លួន) និងប្រភេទ ផលិតផល និងសេវាកម្មតូចៗ ចំនួន ៧៣ ផ្សេងទៀត។

អំពីក្រុមហ៊ុន Samsung Electronics co., Ltd
គឺជាក្រុមហ៊ុននាំមុខគេលើពិភពលោកផ្នែកបច្ចេកវិទ្យាដោយផ្តល់លទ្ធភាពថ្មីៗជូនមនុស្សគ្រប់រូបគ្រប់ទីកន្លែង។ តាមរយៈ ការបង្កើតថ្មី និងរបកគំហើញឥតឈប់ឈរ យើងកំពុងតែផ្លាស់ប្តូរឱ្យកាន់តែប្រសើរឡើងនូវពិភព ទូរទស្សន៍ ស្មាតហ្វូន កុំព្យូទ័រផ្ទាល់ខ្លួន កុំព្យូទ័រលើតុ ម៉ាស៊ីនថតរូប ឧបករណ៍ផ្ទះបាយ ម៉ាស៊ីន ថតចម្លង ប្រព័ន្ធ LTE ឧបករណ៍វេជ្ជសាស្ត្រ ឧបករណ៍ផ្សេងៗប្រើប្រព័ន្ធអគ្គិសនី និងដំណោះស្រាយ ផ្សេងៗប្រើប្រព័ន្ធ LED។ យើងមានបុគ្គលិកចំនួន ៣០៧ ០០០នាក់ នៅទូទំាង ៨៤ ប្រទេសដោយមានបរិមាណលក់ប្រចាំឆ្នាំ ចំនួន ១៩៦ ពាន់លានដុល្លារអាមេរិក។

from : http://news.sabay.com.kh/

Apple នឹងលុបប៊ូតុង Home ចេញពី iPhone ពេលអនាគត?

បន្ទាប់ពីមានពាក្យចចាមអារ៉ាមបាននិយាយទាក់ទងនឹងទូរសព្ទ iPhone អនាគតរបស់ Apple ថានឹងត្រូវបានរចនាជាថ្មីដោយលុបចេញនូវប៊ូតុង Home នោះស្រាប់តែកាលពីថ្ងៃម្សិលមិញនេះសារព័ត៌មានរបស់តៃវ៉ាន់ DigiTimes បានរាយការណ៍ថា Apple គឺកំពុងតែធ្វើការផលិតបច្ចេកវិទ្យាថ្មីមួយ ដែលនឹងអាចលុបចោលប៊ូតុង Home នៅលើ iPhone ពេលអនាគតមែន។

តាមប្រភពព័ត៌មានមិនបានបញ្ចេញឈ្មោះមួយនៅលើសារព័ត៌មាន DigiTimes កាលពីថ្ងៃច័ន្ទម្សិលមិញបានបង្ហាញថា ក្រុមហ៊ុន Apple គឺកំពុងតែធ្វើការផលិត Driver សម្រាប់ Touch និង Display (TDDI) ស្ថិតនៅលើបន្ទះឈីបតែមួយសម្រាប់ iPhone ពេលអនាគតដែលនឹងបញ្ចូល fingerprint sensor ទៅក្នុងអេក្រង់របស់ទូរសព្ទផ្ទាល់។ ការធ្វើបែបនេះឡើងគឺអាចនឹងលុបចេញនូវប៊ូតុង Home ដើម្បីធ្វើឲ្យទូរសព្ទតូចជាង ស្ដើងជាង ស្រាលជាង ផ្ទៃអេក្រង់កាន់តែធំជាងមុន ជាពិសេសនោះគឺមានសោភ័ណភាពកាន់តែស្អាត។

យ៉ាងណាក្ដី Apple នឹងមិនលុបចោលនូវប្រព័ន្ធស្គែនម្រាមដៃ Touch ID fingerprint ដែលមាននៅលើប៊ូតុង Home លើ iPhone បច្ចុប្បន្ននេះទេ។ ប៉ុន្តែប្រហែលជាបច្ចេកវិទ្យាមួយនេះនឹងដាក់នៅកន្លែងផ្សេង ឬនៅលើអេក្រង់ផ្ទាល់តែម្ដង ដោយ Apple ប្រហែលជានឹងបង្កើតប៊ូតុងសិប្បនិមិត្តភ្ជាប់លើអេក្រង់ផ្ទាល់។

បើ Apple លុបប៊ូតុង Home ចោល តែរក្សប្រព័ន្ធស្គែនម្រាមដៃ Touch ID fingerprint នោះ Touch ID fingerprint អាចស្ថិតនៅផ្នែកណាមួយនៃអេក្រង់

កន្លងទៅក្រុមហ៊ុន Apple បានស្នើរសុំសិទ្ធិប៉ាតង់ជាច្រើន តែពុំទាន់មានអ្នកណាបានដឹងច្បាស់ថាប៉ាតង់នោះគឺដើម្បីធ្វើអ្វីនោះទេ។ នេះអាចបង្ហាញឲ្យឃើញថា ក្រុមហ៊ុននឹងសម្រេចនូវគម្រោងអ្វីមួយនេះនៅពេលអនាគត៕

from : http://news.sabay.com.kh/

Pages

SbyYS

Top Menu

Download

Gallery

Blog Archive

About Me

history of google

Steve Jobs

History of Microsoft

History of YouTube

Computers

Tuesday, June 23, 2015

Huawei P8, Galaxy S6 និង iPhone 6 មួយណាល្អជាងគេ?

តារាល្បីៗក្នុងទីផ្សារប្រទេសដែលមានអត្រាប្រើស្មាតហ្វូនខ្ពស់ ផ្អើលប្រើ Huawei គ្រប់គ្នា!

Samsung ជាប់ឈ្មោះជាម៉ាកល្អបំផុតនៅអាស៊ីឆ្នាំ ២០១៥ ផ្ទួនៗ ៤ឆ្នាំជាប់គ្នា

Apple នឹងលុបប៊ូតុង Home ចេញពី iPhone ពេលអនាគត?

Popular Posts

My images

Visit us on FaceBook

follow

Blog Archive